«Arsenal» darvozaboni Kepa Arrisabalaganing londonliklar safidagi kelajagi so‘roq ostida turibdi. Bu haqda insayder Luka Bendoniga tayanib Sky Italy nashri xabar bermoqda.

Manbaning xabariga ko‘ra, ispaniyalik posbon klubini o‘zgartirishga tayyor va asosiy darvozabon bo‘la oladigan jamoadan tushadigan takliflarni ko‘rib chiqmoqda. Shu bilan birga, u ketishga shoshilmayapti va agar munosib variant chiqmasa, Londonda qolishga ham rozi.

O‘z navbatida, «Arsenal» rahbariyati ham Kepaning o‘rniga boshqa nomzodlarni o‘rganmoqda. Ayni damda «kanonirlar» «Lids» bilan shartnomasi yakunlanib, erkin agentga aylangan Ilan Melye atrofidagi vaziyatni kuzatishmoqda.

Ma’lumot uchun, yakunlangan mavsumda 31 yoshli Arrisabalaga «Arsenal» safinda 12 ta uchrashuvda maydonga tushib, o‘z darvozasidan 12 ta to‘p olib chiqdi. U 4 ta o‘yinda darvozasi daxlsizligini saqlab qolgan. Transfermarkt portali futbolchini 5 million yevroga baholamoqda.