FIFA Jahon chempionatining 1/16 finalidan o‘rin olgan Germaniya va Paragvay terma jamoalari o‘rtasidagi uchrashuvda nemislarning bekor qilingan goli bilan bog‘liq vaziyatga izoh berdi.

Qo‘shimcha bo‘limlarda Jonatan Ta to‘pni Paragvay terma jamoasi darvozasiga kiritgan edi, biroq bosh hakam VAR aralashuvidan so‘ng golni bekor qildi. Hakamlar Valdemar Anton raqib darvozaboniga nisbatan qoida buzgan deb hisoblashdi.

FIFA hakamlar qo‘mitasi rahbari Pyerluidji Kollina bu kabi vaziyatlar dunyo birinchiligi boshlanishidan avval terma jamoalar vakillari bilan batafsil muhokama qilinganini ta’kidladi.

«Agar hujumchi futbolchi to‘pga e’tibor qaratmasdan, qasddan — hatto sezilarli bo‘lmasa ham — raqibning harakatlanishiga xalaqit berish niyatida surilsa va unga himoyalanishga imkon bermasa, hakamlar, jumladan VAR ham bunday vaziyatlarni diqqat bilan tahlil qilishi va jarayonga aralashishi shart».

«Ayniqsa, bunday harakatlar darvozabonning o‘z darvozasini qo‘riqlashiga xalaqit bergan holatlarga tegishli. Murabbiylar va futbolchilar bu haqda oldindan ogohlantirilgan edi. Bunday qarorlar ular uchun kutilmagan holat bo‘lmasligi kerak», — deya Kollinaning so‘zlaridan iqtibos keltirmoqda BBC.

Germaniya ustidan qozonilgan g‘alabadan so‘ng Paragvay 1/8 finalga yo‘l oldi va u yerda Fransiya terma jamoasiga qarshi maydonga tushadi.