«Real» va Angliya terma jamoasi yarim himoyachisi Jud Bellingem kinoda qaysi rolni o‘ynashni istashi haqida gapirib berdi.
«Odamlar mendan doim: «Futboldan tashqari nima bilan shug‘ullanishni istarding?» deb so‘rashadi. Men bu haqda hech qachon jiddiy o‘ylab ko‘rmaganman, lekin o‘ylaganimda, doim qaysidir filmda suratga tushishni xohlashimni tushunaman.
Men Jeyms Bond bo‘lishni xohlardim. Shon Konneri, Rojer Mur ishtirokidagi filmlarni ko‘rganman. Ularning barchasini tomosha qilganman. Jeyms Bondni yaxshi ko‘raman. Ishoning, uni katta mamnuniyat bilan o‘ynagan bo‘lardim», – dedi Bellingem Fox Sports efirida.
