2026 yilgi Jahon chempionatining 1/16 finalida Xorvatiya terma jamoasi Portugaliya bilan to‘qnash keladi. «Shaxmatchilar» bosh murabbiyi Zlatko Dalich bo‘lajak bahs borasidagi fikrlari bilan o‘rtoqlashdi.
«Biz dunyoning eng kuchli terma jamoalaridan biriga qarshi maydonga tushamiz. Ularni ajoyib mutaxassis boshqarmoqda. Portugaliyaliklar tarkibida istalgan soniyada gol urishga qodir bo‘lgan Krishtianu Ronaldu to‘p suradi. Biroq bu jamoaning asosiy ko‘ziri — to‘p nazorati va yuqori texnik mahoratdir», — deya mutaxassisning so‘zlarini keltirmoqda Mundo Deportivo.
Uchrashuv ertaga, 3 iyul kuni bo‘lib o‘tadi va u Toshkent vaqti bilan soat 04:00da boshlanishi rejalashtirilgan.
