«Nyukasl Yunayted» «Barselona»ga o‘tgan Entoni Gordon hamda «Tottenxem»ga 117 million yevro evaziga o‘tishga yaqin bo‘lgan Sandro Tonali tufayli yuzaga kelgan tarkibdagi yo‘qotishlar o‘rnini to‘ldirish uchun Germaniya chempionatidan xaridlarni amalga oshirmoqchi, deb xabar beradi TEAMtalk.
Angliya klubi Bundesligadagi ikkita kelishuvni tezkorlik bilan hal qilishni rejalashtirgan va Bazumana Ture hamda Yoxan Manzambi transferlari ustida faol ishlamoqda.
Gordonning o‘rniga asosiy nomzod sifatida «Xoffenxaym» va Kot-d'Ivuar terma jamoasining 20 yoshli vingeri Bazumana Ture ko‘rib chiqilmoqda. Ivuarlik futbolchi Germaniyadagi ilk to‘liq mavsumida 5 ta gol urdi va 12 ta golli uzatmani amalga oshirdi.
Turedan tashqari, «qarg‘alar» rahbariyati «Frayburg» va Shveysariya terma jamoasining 20 yoshli yarim himoyachisi Yoxan Manzambi bo‘yicha muzokaralarda oldinga siljimoqda. Shveysariyalik futbolchi 47 ta uchrashuvda maydonga tushib, 7 ta gol urdi va 9 ta golli uzatmani o‘z hisobiga yozdirib qo‘ydi.
