«Ньюкасл Юнайтед» «Барселона»га ўтган Энтони Гордон ҳамда «Тоттенхэм»га 117 миллион еврo эвазига ўтишга яқин бўлган Сандро Тонали туфайли юзага келган таркибдаги йўқотишлар ўрнини тўлдириш учун Германия чемпионатидан харидларни амалга оширмоқчи, деб хабар беради TEAMtalk.

Англия клуби Бундеслигадаги иккита келишувни тезкорлик билан ҳал қилишни режалаштирган ва Базумана Туре ҳамда Йохан Манзамби трансферлари устида фаол ишламоқда.

Гордоннинг ўрнига асосий номзод сифатида «Хоффенхайм» ва Кот-д'Ивуар терма жамоасининг 20 ёшли вингери Базумана Туре кўриб чиқилмоқда. Ивуарлик футболчи Германиядаги илк тўлиқ мавсумида 5 та гол урди ва 12 та голли узатмани амалга оширди.

Туредан ташқари, «қарғалар» раҳбарияти «Фрайбург» ва Швейцария терма жамоасининг 20 ёшли ярим ҳимоячиси Йохан Манзамби бўйича музокараларда олдинга силжимоқда. Швейцариялик футболчи 47 та учрашувда майдонга тушиб, 7 та гол урди ва 9 та голли узатмани ўз ҳисобига ёздириб қўйди.