Ispaniya terma jamoasi darvozaboni Unai Simon hamyurti Iker Kasilyasning Jahon chempionatlarida gol o‘tkazib yubormasdan eng uzoq vaqt harakat qilish (quruq seriya) bo‘yicha rekordini yangiladi.
Payshanba, 2 iyul kuni Ispaniya JCH-2026ning 1/16 finali doirasida Avstriyaga qarshi maydonga tushdi.
Kasilyas Jahon chempionatlarining final bosqichlarida ketma-ket 476 daqiqa davomida o‘z darvozasi daxlsizligini saqlab qolgan edi. Simonning seriyasi Avstriya bilan o‘yinning birinchi bo‘limidan so‘ng ushbu ko‘rsatkichdan o‘zib ketdi. Musobaqa tarixida bu boradagi mutlaq rekordchi italiyalik Valter Dzenga hisoblanadi — u ketma-ket 517 daqiqa davomida gol o‘tkazmagan.













