«Sevilya» klubi hujumchi Aleksis Sanches bilan hamkorlikni yakunladi. Futbolchining shartnomasi muddati tugagan va klub uni uzaytirmaslikka qaror qildi.

Tajribali forvard o‘tgan mavsumda «Sevilya»ning La Ligada o‘z o‘rnini saqlab qolishida muhim hissa qo‘shgan bo‘lsa-da, unga yangi shartnoma taklif qilinmadi.

Manbalarga ko‘ra, Sanches faoliyatini davom ettirish niyatida. Ammo uning keyingi manzili hozircha noma’lum.

Hozircha eng ko‘p tilga olinayotgan variant — A Seriyaga qaytgan «Monsa». Biroq bu ma’lumotlar hozircha rasmiy tasdiqlangani yo‘q.

Shuningdek, agar Yevropa klublardan munosib taklif bo‘lmasa, u faoliyatini o‘z vatani — Chili chempionatida davom ettirishi ham istisno qilinmayapti.