Italiyaning «Komo» klubi Londonning «Chelsi» jamoasi himoyachisi Trevo Chaloba uchun ikkinchi taklifni tayyorlamoqda. Sesk Fabregas jamoasi transfer summasini 30 million yevroga yetkazib, bunga qo‘shimcha ravishda 5 million yevro bonus taklif qilishni rejalashtirmoqda. Bu haqda Sky Sports nashri yozmoqda.
Ushbu taklif «Chelsi»ni qoniqtirishi lozim, chunki «ko‘klar» o‘z futbolchisining sotuvidan umumiy hisobda 35 million yevro ishlab olmoqchi. «Komo»ning dastlabki taklifi taxminan 26-27 million yevroni tashkil etgan edi.
Shuningdek, Chalobaga Italiyaning boshqa bir klubi — Milanning «Inter» jamoasi tomonidan ham qiziqish saqlanib qolmoqda.
«Komo» yakunlangan mavsum natijalariga ko‘ra, UYEFA Chempionlar ligasi yo‘llanmasini qo‘lga kiritdi.
