Италиянинг «Комо» клуби Лондоннинг «Челси» жамоаси ҳимоячиси Трево Чалоба учун иккинчи таклифни тайёрламоқда. Сеск Фабрегас жамоаси трансфер суммасини 30 миллион еврога етказиб, бунга қўшимча равишда 5 миллион евро бонус таклиф қилишни режалаштирмоқда. Бу ҳақда Sky Sports нашри ёзмоқда.
Ушбу таклиф «Челси»ни қониқтириши лозим, чунки «кўклар» ўз футболчисининг сотувидан умумий ҳисобда 35 миллион евро ишлаб олмоқчи. «Комо»нинг дастлабки таклифи тахминан 26-27 миллион еврони ташкил этган эди.
Шунингдек, Чалобага Италиянинг бошқа бир клуби — Миланнинг «Интер» жамоаси томонидан ҳам қизиқиш сақланиб қолмоқда.
«Комо» якунланган мавсум натижаларига кўра, УЕФА Чемпионлар лигаси йўлланмасини қўлга киритди.
