Angliya Premyer-ligasining yangi a’zosi «Xall Siti» klubi «Napoli» golkiperi Vanya Milinkovich-Savichga qiziqish bildirmoqda. Bu haqda Corriere dello Sport nashri xabar bermoqda.
Manbaning bergan ma’lumotlariga ko‘ra, Neapol klubi 29 yoshli serbiyalik darvozabon bo‘yicha 15 million yevrodan kam bo‘lmagan takliflarni ko‘rib chiqishga tayyor.
Milinkovich-Savich «Napoli» safida bor-yog‘i bir yil o‘tkazdi. Jamoaga Massimiliano Allegri bosh murabbiy etib tayinlangach, uning klubdagi mavqei o‘zgardi, chunki yangi ustoz asosiy urg‘uni Aleks Meretga qaratishni afzal ko‘rmoqda.
Ortda qolgan mavsumda serbiyalik posbon barcha musobaqalarda 38 ta uchrashuvda maydonga tushib, o‘z darvozasidan 38 ta gol o‘tkazib yubordi. U 15 ta o‘yinda o‘z darvozasi daxlsizligini saqlab qolishga muvaffaq bo‘ldi.
