Braziliya terma jamoasi futbolchisi Vinisius Junior Jahon chempionati 1/8 finalida Norvegiyadan uchralgan mag‘lubiyatdan so‘ng (1:2) jurnalistlar bilan suhbatlashdi.
Norvegiyaliklarga g‘alabani Erling Xolandning dubli taqdim etdi — u uchrashuvning 79 va 90-daqiqalarida gol urdi. Braziliyaliklar o‘zlarining yagona javob to‘pini faqat hakam tomonidan qo‘shib berilgan 10-daqiqada Neymarning penaltini aniq amalga oshirishi evaziga kirita olishdi.
«Xoland va Norvegiya terma jamoasini g‘alaba bilan tabriklash lozim. Tabriklayman», — dedi Vinisius o‘yindan keyin OAVga bergan intervyusida.
«Selesao»ning 25 yoshli hujum yetakchisi «Manchester Siti» yulduzini shaxsan ham tabrikladi — norvegiyalik futbolchi intervyu berayotgan vaqtda ular o‘zaro quchoqlashib qo‘yishdi.
