«Chelsi»ning 23 yoshli hujumchisi Liam Delap yozgi transfer oynasida jamoani tark etmoqchi emas. Bu haqda Football Insider nashri xabar bermoqda.

Manbaning bergan ma’lumotlariga ko‘ra, Delap jamoaning yangi bosh murabbiyi Xabi Alonso qo‘l ostida o‘zini ko‘rsatishga harakat qilib ko‘rishni istamoqda. Futbolchi faqat mana shu yangi urinishdan keyingina o‘z kelajagi haqida qayta bosh qotirishi mumkin.

«Chelsi» Delapni o‘tgan yozda «Ipsvich»dan 35,5 million yevro evaziga sotib olgan edi. O‘shandan beri u 41 ta uchrashuvda maydonga tushib, bor-yo‘g‘i ikkita gol urdi. Shuningdek, hujumchi hisobida to‘rtta golli uzatma mavjud.

Angliyalik futbolchining «Chelsi» bilan amaldagi mehnat shartnomasi 2031 yilgacha mo‘ljallangan.