«Челси»нинг 23 ёшли ҳужумчиси Лиам Делап ёзги трансфер ойнасида жамоани тарк этмоқчи эмас. Бу ҳақда Football Insider нашри хабар бермоқда.
Манбанинг берган маълумотларига кўра, Делап жамоанинг янги бош мураббийи Хаби Алонсо қўл остида ўзини кўрсатишга ҳаракат қилиб кўришни истамоқда. Футболчи фақат мана шу янги уринишдан кейингина ўз келажаги ҳақида қайта бош қотириши мумкин.
«Челси» Делапни ўтган ёзда «Ипсвич»дан 35,5 миллион евро эвазига сотиб олган эди. Ўшандан бери у 41 та учрашувда майдонга тушиб, бор-йўғи иккита гол урди. Шунингдек, ҳужумчи ҳисобида тўртта голли узатма мавжуд.
Англиялик футболчининг «Челси» билан амалдаги меҳнат шартномаси 2031 йилгача мўлжалланган.
