Braziliya terma jamoasi bosh murabbiyi Karlo Anchelotti JCH-2026ning 1/8 finali doirasida Norvegiyaga qarshi kechgan va mag‘lubiyat (1:2) bilan yakunlangan o‘yinda penaltichini qanday tanlagani haqida gapirdi.

Uchrashuvning 14-daqiqasida yarim himoyachi Brunu Gimaraes 11 metrlik jarima zarbasidan unumli foydalana olmadi. O‘yin yakunida norvegiyaliklar Erling Xolandning sa’y-harakatlari bilan ikkita gol urishdi, «selesao» esa bunga faqat hakamning yakuniy hushtagi chalinishi arafasida Neymar tomonidan penaltidan aniq amalga oshirilgan zarba bilan javob qaytara oldi, xolos.

— Nima uchun penaltini Vinisius tepmadi? — deya so‘rashdi Anchelottidan matbuot anjumanida.

— Biz statistikani tahlil qilib chiqqandik — eng yaxshi ko‘rsatkich Rafinyada edi. Ro‘yxatdagilar orasida birinchi bo‘lib Neymar, undan keyin Igor Tyago, Brunu Gimaraes va Martinelli joy olgandi. Biz Brununi tanladik, chunki o‘sha paytda maydonda bo‘lgan futbolchilar ichida uni eng yaxshi penaltichi deb hisobladik, — deya javob berdi italiyalik mutaxassis.

Eslatib o‘tamiz, Vinisius uchrashuvni to‘liq o‘tkazdi, biroq samarali harakatlari bilan ajralib tura olmadi.