Portugaliya va Ispaniya terma jamoalari Jahon chempionatining 1/8 finali doirasida bahs olib borishmoqda. Birinchi taym allaqachon yakuniga yetdi va stadion tablosida 0:0 hisobi porlab turibdi.
O‘yinning dastlabki bo‘limidagi eng xavfli vaziyatlarga, aytish mumkinki, ispanlar ega bo‘lishdi. Mikel Oyarsabal darvozabon bilan birga-bir vaziyatdan foydalana olmagan bo‘lsa, keyinroq Diogu Koshta Lamin Yamal va Aleks Baenaning ketma-ket yo‘llagan xavfli zarbalarini qaytarishga muvaffaq bo‘ldi.
Portugallar ham raqib darvozasi oldida vaziyatni keskinlashtirishga harakat qilishdi. 37-minutda Joau Feliksning to‘pni yetkazib berishidan so‘ng, Krishtianu Ronaldu yiqilayotib zarba berdi, biroq Unay Simon sakrab to‘pni ushlab oldi. Ko‘p o‘tmay, Nunu Mendeshning zarbasi va rikoshetdan so‘ng to‘p Ispaniya darvozasi to‘siniga tegib qaytdi.
