Португалия ва Испания терма жамоалари Жаҳон чемпионатининг 1/8 финали доирасида баҳс олиб боришмоқда. Биринчи тайм аллақачон якунига етди ва стадион таблосида 0:0 ҳисоби порлаб турибди.
Ўйиннинг дастлабки бўлимидаги энг хавфли вазиятларга, айтиш мумкинки, испанлар эга бўлишди. Микель Оярсабаль дарвозабон билан бирга-бир вазиятдан фойдалана олмаган бўлса, кейинроқ Диогу Кошта Ламин Ямал ва Алекс Баэнанинг кетма-кет йўллаган хавфли зарбаларини қайтаришга муваффақ бўлди.
Португаллар ҳам рақиб дарвозаси олдида вазиятни кескинлаштиришга ҳаракат қилишди. 37-минутда Жоау Феликснинг тўпни етказиб беришидан сўнг, Криштиану Роналду йиқилаётиб зарба берди, бироқ Унай Симон сакраб тўпни ушлаб олди. Кўп ўтмай, Нуну Мендешнинг зарбаси ва рикошетдан сўнг тўп Испания дарвозаси тўсинига тегиб қайтди.
