Belgiya terma jamoasi Jahon chempionati — 2026 ning 1/8 final uchrashuvida AQSH jamoasini 4:1 hisobida tor-mor etdi. «Qizil iblislar» chorak finalga yo‘l olishdi va u yerda Ispaniyaga qarshi maydonga tushishadi.
Bo‘lib o‘tgan bahsda belgiyalik yarim himoyachi Amadu Onana jarohat oldi. U oyog‘idan olgan jarohati sababli birinchi bo‘limning o‘rtalarida zaxiraga olindi. Yaqin vaqt ichida futbolchi tibbiy ko‘rikdan o‘tadi. Uning «qizil furiya»ga qarshi bo‘lajak uchrashuvda maydonga tushishi deyarli istisno qilinmoqda.
Belgiya va Ispaniya o‘rtasidagi chorak final bahsi juma, 10 iyul kuni bo‘lib o‘tadi. Bosh hakamning start hushtagi Toshkent vaqti bilan 11 iyul soat 00:00 da chalinadi.
