Бельгия терма жамоаси Жаҳон чемпионати — 2026 нинг 1/8 финал учрашувида АҚШ жамоасини 4:1 ҳисобида тор-мор этди. «Қизил иблислар» чорак финалга йўл олишди ва у ерда Испанияга қарши майдонга тушишади.

Бўлиб ўтган баҳсда бельгиялик ярим ҳимоячи Амаду Онана жароҳат олди. У оёғидан олган жароҳати сабабли биринчи бўлимнинг ўрталарида захирага олинди. Яқин вақт ичида футболчи тиббий кўрикдан ўтади. Унинг «қизил фурия»га қарши бўлажак учрашувда майдонга тушиши деярли истисно қилинмоқда.

Бельгия ва Испания ўртасидаги чорак финал баҳси жума, 10 июль куни бўлиб ўтади. Бош ҳакамнинг старт ҳуштаги Тошкент вақти билан 11 июль соат 00:00 да чалинади.