"Barselona" hujumchisi Lamin Yamal Argentina terma jamoasi va "Atletiko" hujumchisi Xulian Alvaresni kataloniyaliklar safida ko‘rishni istashini tan oldi.
"Biz uni "Barselona"da quchoq ochib kutamiz. Xulian — barcha birga o‘ynashni xohlaydigan futbolchi. U "Barselona" uslubiga juda mos keladi. U top-darajadagi o‘yinchi, biz buni yaxshi bilamiz. Umid qilamanki, u bizning jamoaga o‘tadi", — deya Yamalning so‘zlaridan iqtibos keltiradi "Mundo Deportivo".
26 yoshli argentinalik futbolchi iyun oyi oxirida 2026 yilning yozida "Atletiko"ni tark etishni istayotganini ma’lum qilgan edi. Unga "Barselona", "Real", "Arsenal" va "PSJ" jamoalari tomonidan qiziqish bildirilmoqda.
2025/26 yilgi mavsumda hujumchi 49 ta o‘yinda 20 ta gol urdi va 9 ta golli uzatmani amalga oshirdi.
Transfermarkt portali futbolchining transfer qiymatini 100 million yevroga baholamoqda.
