"Барселона" ҳужумчиси Ламин Ямал Аргентина терма жамоаси ва "Атлетико" ҳужумчиси Хулиан Альваресни каталонияликлар сафида кўришни исташини тан олди.
"Биз уни "Барселона"да қучоқ очиб кутамиз. Хулиан — барча бирга ўйнашни хоҳлайдиган футболчи. У "Барселона" услубига жуда мос келади. У топ-даражадаги ўйинчи, биз буни яхши биламиз. Умид қиламанки, у бизнинг жамоага ўтади", — дея Ямалнинг сўзларидан иқтибос келтиради "Mundo Deportivo".
26 ёшли аргентиналик футболчи июнь ойи охирида 2026 йилнинг ёзида "Атлетико"ни тарк этишни истаётганини маълум қилган эди. Унга "Барселона", "Реал", "Арсенал" ва "ПСЖ" жамоалари томонидан қизиқиш билдирилмоқда.
2025/26 йилги мавсумда ҳужумчи 49 та ўйинда 20 та гол урди ва 9 та голли узатмани амалга оширди.
Transfermarkt портали футболчининг трансфер қийматини 100 миллион еврога баҳоламоқда.
