Jahon chempionati-2026da tez orada chorak final bahslari bo‘lib o‘tadi. Opta superkompyuteri nufuzli turnirning yarim finaliga chiqish imkoniyati eng yuqori bo‘lgan to‘rtta terma jamoani nomladi.
Prognozga ko‘ra, pley-offning keyingi bosqichiga Fransiya, Ispaniya, Argentina va Angliya terma jamoalari chiqadi. Uchrashuvlar 9 iyuldan 12 iyulgacha bo‘lib o‘tadi.
Jahon chempionati Shimoliy Amerikaning uchta davlatida: AQSH, Kanada va Meksikada o‘tkazilmoqda. Amaldagi chempion — Argentina terma jamoasi. Qatarda bo‘lib o‘tgan 2022 yilgi mundial finalida Lionel Skaloni shogirdlari penaltilar seriyasida Fransiyani mag‘lub etgan edi.
