«Manchester Siti», «Liverpul» va «Arsenal» klublari «Lill»ning 18 yoshli markaziy yarim himoyachisi Ayub Buaddining transferi bo‘yicha muzokaralarni boshlashdi, deya xabar bermoqda Football Insider. APL klublarining futbolchiga bo‘lgan qiziqishi u JCH-2026 turnirida Marokash terma jamoasi safida ko‘rsatgan o‘yinlaridan so‘ng yanada ortgan.
«Lill» rahbariyati, agar moliyaviy jihatdan yirik taklif tushsa, o‘z tarbiyalanuvchisini qo‘yib yuborishga tayyor. Shu bilan birga, potensial xaridorlar kelishuvning turli variantlarini, jumladan, Buaddining yanada o‘sishga erishishi uchun uni yana bir mavsumga Fransiya klubida ijara asosida qoldirish imkoniyatini ham ko‘rib chiqishmoqda.
2025/2026 yilgi mavsumda Ayub Buaddi barcha musobaqalarda 42 ta o‘yinda maydonga tushib, bitta golli uzatmani amalga oshirgan.
