«Манчестер Сити», «Ливерпуль» ва «Арсенал» клублари «Лилл»нинг 18 ёшли марказий ярим ҳимоячиси Аюб Буаддининг трансфери бўйича музокараларни бошлашди, дея хабар бермоқда Football Insider. АПЛ клубларининг футболчига бўлган қизиқиши у ЖЧ-2026 турнирида Марокаш терма жамоаси сафида кўрсатган ўйинларидан сўнг янада ортган.
«Лилль» раҳбарияти, агар молиявий жиҳатдан йирик таклиф тушса, ўз тарбияланувчисини қўйиб юборишга тайёр. Шу билан бирга, потенциал харидорлар келишувнинг турли вариантларини, жумладан, Буаддининг янада ўсишга эришиши учун уни яна бир мавсумга Франция клубида ижара асосида қолдириш имкониятини ҳам кўриб чиқишмоқда.
2025/2026 йилги мавсумда Аюб Буадди барча мусобақаларда 42 та ўйинда майдонга тушиб, битта голли узатмани амалга оширган.
