«Nyukasl» va «Frayburg» yarim himoyachi Yoxan Manzambining transferi bo‘yicha to‘liq kelishuvga erishdilar. Transfer summasi 60 million yevroni tashkil etdi, deb xabar bermoqda Florian Plettenberg o‘zining X ijtimoiy tarmog‘idagi sahifasida.
Klublar kelishuvning barcha shartlarini to‘liq hal qilib bo‘lishgan. Ayni paytda «Nyukasl» rahbariyati futbolchining o‘zi bilan shartnomaning so‘nggi detallarini yakunlamoqda. Uning uchun allaqachon uzoq muddatli shartnoma tayyorlab qo‘yilgan.
Shveysariyalik futbolchiga Amadu Onananing krestsimon boylamlari uzilganidan keyin yarim himoya chizig‘ini kuchaytirishni maqsad qilgan «Aston Villa» ham qiziqish bildirayotgan edi, biroq «Nyukasl» kurashda favoritga aylandi. Yakunlangan 2025/2026 yilgi mavsumda Manzambi barcha turnirlarda 47 ta o‘yinda ishtirok etib, 7 ta gol urdi va 9 ta golli uzatmani amalga oshirdi.
