Taniqli murabbiy Zlatko Dalich yaqinda Xorvatiya terma jamoasi bosh murabbiyligidan ketdi. Biroq 59 yoshli mutaxassis uzoq vaqt ishsiz qolishi dargumon. Jurnalist Lorenso Leporening xabar berishicha, xorvatiyalik mutaxassis boshqa bir terma jamoani boshqarishi mumkin.
Manbaga ko‘ra, Dalichni taklif qilish imkoniyatini ikkita terma jamoa – Meksika va Kolumbiya ko‘rib chiqmoqda. Ikkala jamoa ham 2026-yilgi Jahon chempionatidan 1/8 final bosqichida chiqib ketgan. Shuningdek, Saudiya Arabistoni, Qatar, Janubiy Koreya va BAA terma jamoalari ham Dalichning harakatlarini kuzatmoqda.
Mutaxassis Xorvatiya terma jamoasini to‘qqiz yil davomida boshqardi. U bilan jamoa ikkita Jahon chempionatida muvaffaqiyatli ishtirok etdi. 2018-yilda Dalich jamoasi ikkinchi o‘rinni, 2022-yilda esa uchinchi o‘rinni egallagan edi. Shimoliy Amerikadagi turnirda esa Xorvatiya 1/16 finalda portugaliyaliklar tomonidan musobaqadan chiqarib yuborildi.
