«Atalanta» va Belgiya terma jamoasi hujumchisi Sharl de Ketelare Angliya premyer-ligasiga o‘tishi mumkin. Bu haqda insayder Nikolo Skira xabar bermoqda.

Manbaga ko‘ra, APLning ikki klubi 25 yoshli futbolchiga qiziqish bildirgan. Ta’kidlanishicha, «Atalanta» futbolchi uchun 50 million yevrolik takliflarni ko‘rib chiqishga tayyor.

O‘tgan mavsumda 25 yoshli belgiyalik barcha musobaqalarda 42 ta uchrashuvda qatnashib, beshta gol urgan va yettita golli uzatmani amalga oshirgan.

Shuni aytish kerakki, «Atalanta»da de Ketelare ko‘pincha hujum ortida, Belgiya terma jamoasida esa sof hujumchi sifatida o‘ynaydi.