«Аталанта» ва Бельгия терма жамоаси ҳужумчиси Шарль де Кетеларе Англия премьер-лигасига ўтиши мумкин. Бу ҳақда инсайдер Николо Скира хабар бермоқда.
Манбага кўра, АПЛнинг икки клуби 25 ёшли футболчига қизиқиш билдирган. Таъкидланишича, «Аталанта» футболчи учун 50 миллион евролик таклифларни кўриб чиқишга тайёр.
Ўтган мавсумда 25 ёшли бельгиялик барча мусобақаларда 42 та учрашувда қатнашиб, бешта гол урган ва еттита голли узатмани амалга оширган.
Шуни айтиш керакки, «Аталанта»да де Кетеларе кўпинча ҳужум ортида, Бельгия терма жамоасида эса соф ҳужумчи сифатида ўйнайди.
