Angliya terma jamoasi bosh murabbiyi Tomas Tuxel jamoa hujumchisi Xarri Keyn haqida fikr bildirdi.
«Biz har bir o‘yindan oldin Keyn haqida gaplashamiz, chunki u o‘yinlar taqdirini hal qiladi. U bizning yetakchimiz, bizning sardorimiz. Hozir u o‘z faoliyatidagi eng yaxshi sport formasida. U jamoaviy o‘yinchi, lekin har qanday vaqtda mas’uliyatni o‘z zimmasiga olishga tayyor. Bunday sardorga ega bo‘lish va shunday o‘yinchiga murabbiylik qilish katta sharaf», — Tuxelning so‘zlarini keltiradi Sky Sport jurnalisti Kerri Xau.
Jahon chempionati – 2026 da Keyn beshta o‘yinning barchasida maydonga tushib, oltita gol urdi va bitta golli uzatmani o‘z hisobiga yozdirib qo‘ydi.
Turnirning chorak finalida inglizlar Norvegiya bilan to‘qnash kelishadi.
