Англия терма жамоаси бош мураббийи Томас Тухель жамоа ҳужумчиси Харри Кейн ҳақида фикр билдирди.

«Биз ҳар бир ўйиндан олдин Кейн ҳақида гаплашамиз, чунки у ўйинлар тақдирини ҳал қилади. У бизнинг етакчимиз, бизнинг сардоримиз. Ҳозир у ўз фаолиятидаги энг яхши спорт формасида. У жамоавий ўйинчи, лекин ҳар қандай вақтда масъулиятни ўз зиммасига олишга тайёр. Бундай сардорга эга бўлиш ва шундай ўйинчига мураббийлик қилиш катта шараф», — Тухелнинг сўзларини келтиради Sky Sport журналисти Керри Хау.

Жаҳон чемпионати – 2026 да Кейн бешта ўйиннинг барчасида майдонга тушиб, олтита гол урди ва битта голли узатмани ўз ҳисобига ёздириб қўйди.

Турнирнинг чорак финалида инглизлар Норвегия билан тўқнаш келишади.