Fransiya terma jamoasi futbolchilari Kilian Mbappe va Orelyen Tchuameni jiddiy jarohatdan qutilib qolishdi va Jahon chempionati yarim finalida Ispaniyaga qarshi o‘yinda maydonga tusha olishadi.
Eslatib o‘tamiz, Mbappe Marokashga qarshi 1/4 final uchrashuvida (2:0) jarohat olib, 77-daqiqada zaxiraga olingan edi. Tchuameni esa 1/8 finaldagi Paragvayga qarshi o‘yindan (1:0) oldin son sohasidan jarohat olgan va shu sababli pley-offning ikkita bosqichini o‘tkazib yuborgan edi.
L’Equipe nashrining xabar berishicha, jarohatlar jiddiy emas bo‘lib chiqdi. Kilian va Orelyen yarim finalgacha tiklanishga ulgurishadi.
Fransiya Jahon chempionati yarim finalida 14 iyul kuni Ispaniyaga qarshi maydonga tushadi.
