Angliya terma jamoasi yarim himoyachisi Deklan Rays, shuningdek, himoyachilar Mark Gexi va Ris Jeyms mashg‘ulotlarda faqatgina umumiy guruh bilan shug‘ullanyapti. Jamoa Jahon chempionati chorak finalida Norvegiyaga qarshi bahsga tayyorgarlik ko‘rmoqda.

Avvalroq Deklan Rays oshqozonidagi infeksiya o‘zini noxush his qilayotgani, Mark Gexi esa sonining orqa qismidagi noqulaylik sabab so‘nggi kunlarda individual dastur asosida mashg‘ulot o‘tayotgani haqida xabarlar tarqalgan edi. Ris Jeyms esa guruh bosqichining 2-turidan buyon maydonga tushmagan.

The Athletic nashrining ma’lum qilishicha, uchala futbolchi ham jamoaning rasmiy mashg‘ulotlarida umumiy guruh bilan ishlagan. Bu esa ularning Norvegiyaga qarshi bo‘lib o‘tadigan chorak final uchrashuvida maydonga tushish imkoniyatini sezilarli darajada oshirgan.

Jamoa bosh murabbiyi Tomas Tuxel uchala futbolchi ham Norvegiyaga qarshi bahs uchun tarkibga kiritilishi mumkinligini tasdiqladi.

“Mashg‘ulotlarda barcha futbolchilar ishtirok etdi. Bu biz uchun eng yaxshi yangilik. Diskvalifikasiya qilingan futbolchimizdan (Jarell Kuansa) tashqari barcha ixtiyorimizda”, dedi Tuxel o‘yinoldi matbuot anjumanida.

Meksika ustidan qozonilgan g‘alabadan keyingi nishonlash chog‘ida qo‘lini sindirib olgan Jordan Henderson 26 nafar futbolchidan iborat tarkibda mashg‘ulotni o‘tkazib yuborgan yagona o‘yinchi bo‘ldi.

Shuningdek, Jarell Kuansa ham Meksikaga qarshi o‘yinda qizil kartochka olgani uchun ikki uchrashuvga diskvalifikasiya qilingan va Norvegiyaga qarshi bahsni o‘tkazib yuboradi.