Англия терма жамоаси ярим ҳимоячиси Деклан Райс, шунингдек, ҳимоячилар Марк Гехи ва Рис Жеймс машғулотларда фақатгина умумий гуруҳ билан шуғулланяпти. Жамоа Жаҳон чемпионати чорак финалида Норвегияга қарши баҳсга тайёргарлик кўрмоқда.
Аввалроқ Деклан Райс ошқозонидаги инфекция ўзини нохуш ҳис қилаётгани, Марк Гехи эса сонининг орқа қисмидаги ноқулайлик сабаб сўнгги кунларда индивидуал дастур асосида машғулот ўтаётгани ҳақида хабарлар тарқалган эди. Рис Жеймс эса гуруҳ босқичининг 2-туридан буён майдонга тушмаган.
The athletic нашрининг маълум қилишича, учала футболчи ҳам жамоанинг расмий машғулотларида умумий гуруҳ билан ишлаган. Бу эса уларнинг Норвегияга қарши бўлиб ўтадиган чорак финал учрашувида майдонга тушиш имкониятини сезиларли даражада оширган.
Жамоа бош мураббийи Томас Тухель учала футболчи ҳам Норвегияга қарши баҳс учун таркибга киритилиши мумкинлигини тасдиқлади.
“Машғулотларда барча футболчилар иштирок этди. Бу биз учун энг яхши янгилик. Дисквалификация қилинган футболчимиздан (Жарелл Куанса) ташқари барча ихтиёримизда”, деди Тухел ўйинолди матбуот анжуманида.
Мексика устидан қозонилган ғалабадан кейинги нишонлаш чоғида қўлини синдириб олган Жордан Ҳендерсон 26 нафар футболчидан иборат таркибда машғулотни ўтказиб юборган ягона ўйинчи бўлди.
Шунингдек, Жарелл Куанса ҳам Мексикага қарши ўйинда қизил карточка олгани учун икки учрашувга дисквалификация қилинган ва Норвегияга қарши баҳсни ўтказиб юборади.
