Ispaniyaning nufuzli MARCA nashri tarqatgan xabarga ko‘ra, Kataloniyaning «Barselona» futbol klubi rahbariyati yozgi transfer mavsumida jamoaning hujum chizig‘ini tubdan yangilashni rejalashtirmoqda.

Qayd etilishicha, ayni paytda jamoaning asosiy tarkibidan faqatgina yosh va iste’dodli hujumchi Lamin Yamalning joyi kafolatlangan. Klub rahbariyati va murabbiylar shtabi uni jamoaning kelajakdagi uzoq muddatli loyihalarining bosh bo‘g‘ini sifatida ko‘rmoqda.

Shu bilan birga, klubdagi moliyaviy holatni barqarorlashtirish va tarkibni optimallashtirish maqsadida qolgan barcha hujumchilarning jamoadagi kelajagi so‘roq ostida qolmoqda. Manbaning ta’kidlashicha, rahbariyat munosib takliflar tushgan taqdirda, har qanday hujumchini sotish yoki boshqa klubga ijaraga berish masalasini ko‘rib chiqishga tayyor.