Italiya chempionatining sobiq to‘purari Chiro Immobile hozirda Fransiyada to‘p surmoqda, ammo u o‘z vatanidagi voqealarni diqqat bilan kuzatib borayotgani tabiiy. U «Inter» yangi mavsumni chempionlik unvoni uchun asosiy favorit sifatida boshlashiga shubha qilmaydi.
«Albatta, «Inter» favorit sifatida boshlaydi, chunki boshqa jamoalarda o‘zgarishlar ko‘p, yangi murabbiylar kelgan. Ular darhol kerakli darajada o‘ynab keta olmaydi. Buning uchun vaqt kerak», — deb keltiradi Immobilening so‘zlarini pianetamilan.it sayti.
Eslatib o‘tamiz, «Inter» so‘nggi olti yil ichida uch marta chempionlikni qo‘lga kiritdi. Bu davr mobaynida «Napoli» ikki marta, «Milan» esa bir marta g‘olib bo‘lgan.
