«Nyukasl» yarim himoyachisi Bruno Gimaraes Londonning «Arsenal» klubiga o‘tish imkoniyatini jiddiy ko‘rib chiqmoqda.

Braziliyalik futbolchi «qarg‘alar» rahbariyatiga «kanonirlar» safiga o‘tish uni qiziqtirayotganini ma’lum qilgan. Shu bilan birga, jurnalist Lyuk Edvardsning xabar berishicha, futbolchi «Nyukasl»ning mavqeini hurmat qiladi va «Arsenal» talab etilayotgan shartlarga yaqin taklifni ilgari surmaguncha transferni talab qilib olmaydi. Hozirgi vaqtda klublar o‘rtasidagi kelishuvdan hali uzoq, 28 yoshli yarim himoyachi esa «Nyukasl» bilan mavsumoldi tayyorgarlikni boshlashga hozirlik ko‘rmoqda.

Bruno Gimaraesning amaldagi shartnomasi 2028 yilning o‘rtalarida o‘z nihoyasiga yetadi. Transfermarkt portali futbolchining qiymatini 70 million yevroga baholamoqda.