«Ньюкасл» ярим ҳимоячиси Бруно Гимараэс Лондоннинг «Арсенал» клубига ўтиш имкониятини жиддий кўриб чиқмоқда.
Бразилиялик футболчи «қарғалар» раҳбариятига «канонирлар» сафига ўтиш уни қизиқтираётганини маълум қилган. Шу билан бирга, журналист Люк Эдвардснинг хабар беришича, футболчи «Ньюкасл»нинг мавқеини ҳурмат қилади ва «Арсенал» талаб этилаётган шартларга яқин таклифни илгари сурмагунча трансферни талаб қилиб олмайди. Ҳозирги вақтда клублар ўртасидаги келишувдан ҳали узоқ, 28 ёшли ярим ҳимоячи эса «Ньюкасл» билан мавсумолди тайёргарликни бошлашга ҳозирлик кўрмоқда.
Бруно Гимараэснинг амалдаги шартномаси 2028 йилнинг ўрталарида ўз ниҳоясига етади. Transfermarkt портали футболчининг қийматини 70 миллион еврога баҳоламоқда.
