Janubiy Afrika huquqni muhofaza qiluvchi organlari mamlakat milliy terma jamoasi yarimhimoyachisi Jeyden Adamsning vafoti yuzasidan rasmiy tergov boshladi.
Ma’lum qilinishicha, 25 yoshli futbolchining jasadi Keyptaun shahridagi Skose Kloof hududidagi uylardan birida topilgan. Hozircha uning o‘limiga nima sabab bo‘lgani rasman oshkor etilmagan. Polisiya hodisa yuzasidan barcha holatlarni o‘rganmoqda.
Jeyden Adams yaqinda 2026 yilgi FIFA Jahon chempionatida Janubiy Afrika terma jamoasi safida ishtirok etgan edi. U guruh bosqichidagi uchala uchrashuvda ham maydonga tushib, jamoasining mundial tarixida ilk bor pley-off bosqichiga chiqishiga munosib hissa qo‘shdi. Biroq Kanada terma jamoasiga qarshi 1/16 final bahsida maydonga tushmagan.
Futbolchining kutilmagan vafoti Janubiy Afrika sport jamoatchiligini chuqur qayg‘uga soldi. Mamlakat futbolchilar uyushmasi, sport rasmiylari hamda ko‘plab futbolchilar Adamsning oilasi va yaqinlariga hamdardlik bildirdi. Shu bilan birga, rasmiylar tergov yakuniga qadar uning o‘limi sabablari yuzasidan turli taxminlar tarqatmaslikka chaqirdi.
