Angliya futbol assosiasiyasi (FA) terma jamoa jahon chempionatida g‘olib chiqsa, futbolchilarga beriladigan mukofot puli miqdorini belgilab oldi.

The Guardian ma’lumotlariga ko‘ra, agar «uch sherlar» mundialda zafar quchsa, futbolchilar va murabbiylar shtabi 19 million funt sterling miqdoridagi bonusni o‘zaro taqsimlab olishadi. FA FIFAdan keladigan 38 million funt sterlinglik mukofot pulining yarmini jamoaga berishni rejalashtirmoqda. Bunda jamoa a’zolariga taxminan 15 million funt sterling ajratilsa, bosh murabbiy Tomas Tuxel 3 million funt sterlinggacha daromad olishi mumkin.

Eslatib o‘tamiz, Angliya terma jamoasi jahon chempionati yarim finalida Argentina bilan to‘qnash keladi. Uchrashuv ertaga, 15 iyul kuni bo‘lib o‘tadi.