Англия футбол ассоциацияси (ФА) терма жамоа жаҳон чемпионатида ғолиб чиқса, футболчиларга бериладиган мукофот пули миқдорини белгилаб олди.
The Guardian маълумотларига кўра, агар «уч шерлар» мундиалда зафар қучса, футболчилар ва мураббийлар штаби 19 миллион фунт стерлинг миқдоридаги бонусни ўзаро тақсимлаб олишади. ФА ФИФАдан келадиган 38 миллион фунт стерлинглик мукофот пулининг ярмини жамоага беришни режалаштирмоқда. Бунда жамоа аъзоларига тахминан 15 миллион фунт стерлинг ажратилса, бош мураббий Томас Тухель 3 миллион фунт стерлинггача даромад олиши мумкин.
Эслатиб ўтамиз, Англия терма жамоаси жаҳон чемпионати ярим финалида Аргентина билан тўқнаш келади. Учрашув эртага, 15 июль куни бўлиб ўтади.
