Hujumchi Paulo Dibala «Roma»dagi faoliyatini davom ettirish uchun maoshini sezilarli darajada kamaytirishga rozi bo‘ldi. 32 yoshli forvardning yangi shartnomasi 2027 yilning 30 iyuniga qadar amal qiladi.

Insayder Janluka Di Marsio aniqlik kiritishicha, yangi bitimga ko‘ra, Dibala mavsum uchun uch million yevrodan kamroq maosh oladi. Avvalroq uning yillik maoshi taxminan sakkiz million yevroni tashkil etgan edi.

O‘tgan mavsumda argentinalik futbolchi barcha musobaqalarda 27 ta o‘yin o‘tkazib, 3 ta gol urgan va 8 ta golli uzatmani amalga oshirgan. Dibala 2022 yilning yozidan buyon «Roma» safida to‘p surib kelmoqda.