«Nottingem» himoyachisi Neko Uilyams shu yoz jamoasini o‘zgartirishi mumkin.

TEAMtalk ma’lumotlariga ko‘ra, «Tottenxem» futbolchini o‘z safiga qo‘shib olish uchun kurashga qo‘shildi. Shuningdek, mish-mishlarda o‘yinchining «Manchester Yunayted» yoki «Nyukasl»ga o‘tishi mumkinligi aytilmoqda, shu bois endi Angliya klublari Uilyams uchun jiddiy raqobat olib borishadi.

Neko Uilyams 2022 yilda 20 million yevro evaziga «Liverpul»dan «Nottingem»ga o‘tgan edi. Uning «o‘rmonchilar» bilan tuzgan shartnomasi 2029 yilning 30 iyuniga qadar mo‘ljallangan. 2025/26 yilgi mavsumda himoyachi barcha turnirlarda 53 ta o‘yinda maydonga tushib, 2 ta gol urdi va 4 ta golli uzatmani amalga oshirdi. Transfermarkt portali vallik futbolchini 28 million yevroga baholamoqda.