Jahon chempionati-2026 yarim final bahsida Argentina terma jamoasi Angliyaga qarshi maydonga tushdi. Lionel Skaloni shogirdlari 2:1 hisobida irodali g‘alabani qo‘lga kiritdi.
Uchrashuv yakunlangach, «albiseleste» matbuot xizmati ijtimoiy tarmoqlarda post e’lon qildi.
«Biz yig‘ladik, azob chekdik va bir-birimizni quchoqladik. Jamoa yana bir bor orzuni ro‘yobga chiqardi. Biz Jahon chempionati finalidamiz», — deyiladi ijtimoiy tarmoqlardagi xabarda.
Jahon chempionati finalida Argentina terma jamoasi Ispaniya milliy jamoasi bilan kuch sinashadi. Uchrashuv yakshanba, 19 iyul kuni bo‘lib o‘tadi va o‘yin Toshkent vaqti bilan soat 00:00 da (19 iyuldan 20 iyulga o‘tar kechasi) boshlanadi. Uchinchi o‘rin uchun bahsda esa Angliya va Fransiya terma jamoalari maydonga tushadi.
