Ispaniya terma jamoasining sobiq darvozaboni Iker Kasilyas Jahon chempionati finali oldidan hissiyotli murojaat bilan chiqdi. 19 iyul kuni bo‘lib o‘tadigan o‘yinda Luis de la Fuente boshchiligidagi jamoa Argentina bilan to‘qnash keladi.
«Argentina to‘rtinchi yulduzga ega bo‘lmaydi! Biz ikkinchisi uchun boryapmiz! Olg‘a, Ispaniya!» — deb yozdi Kasilyas o‘zining ijtimoiy tarmoqlarida.
Ispaniya terma jamoasi yarim finalda Fransiyani 2:0 hisobida mag‘lub etib, finalga yo‘l oldi, Argentina esa o‘z navbatida Angliyani 2:1 hisobida taslim etdi.
Ispanlar uchun bo‘lajak o‘yin Jahon chempionatlari tarixidagi ikkinchi final bo‘ladi (ilk bor 2010 yilda Janubiy Afrikada zafar quchishgan). Argentina esa 1978, 1986 va 2022 yillardagi g‘alabalaridan so‘ng to‘rtinchi chempionlik unvonini qo‘lga kiritishga harakat qiladi.
