«Barselona» prezidenti Joan Laporta jamoa yangi o‘yinchisi Entoni Gordonning Jahon chempionatidagi ishtirokidan mamnun.
«Ko‘k-anorranglilar» vakili JCH-2026 yarim finali doirasida Angliya va Argentina o‘rtasida kechgan o‘yinda hisobni ochgan edi, biroq qolgan vaqt davomida inglizlar ikkita gol o‘tkazib yuborib, final yo‘llanmasidan mahrum bo‘ldilar.
«Gordon juda tezkor va mehnatkash. Buni biz Argentinaga qarshi o‘yinda ko‘rdik: u raqibga ajoyiv tarzda bosim o‘tkazdi va gol urdi», — deya Laportaning so‘zlarini keltiradi Barca Universal.
Entoni Gordon Jahon chempionatining oltita o‘yinida bitta gol va uchta assist muallifiga aylandi. Uchinchi o‘rin uchun kechadigan bahsda Angliya terma jamoasi Fransiya bilan to‘qnash keladi.
