Italiya terma jamoasining sobiq futbolchisi Franchesko Totti milliy jamoaning ketma-ket uchinchi marta Jahon chempionati final bosqichiga chiqa olmagani tasodifmi yoki yo‘q, degan savolga o‘z munosabatini bildirdi.
«Hech narsa tasodifan sodir bo‘lmaydi. Bu yerda tushunmovchiliklar, omadsizlik bo‘ldi, ayrim hollarda esa boshqa ko‘plab terma jamoalardan kuchsizroq ekanimiz ma’lum bo‘ldi. Bunday holatlar yuz berishi mumkin. Ammo Italiya va italiyaliklar bunday narsalarga yo‘l qo‘yib berishlari mumkin emas», — dedi Totti FONtour loyihasining yangi sonida.
Italiya terma jamoasi — Jahon chempionatining to‘rt karra g‘olibi. U so‘nggi bor 2006 yilgi mundialda oltin medalni qo‘lga kiritgan. Shundan so‘ng, milliy jamoa 2010 va 2014 yillarda guruh bosqichidayoq turnirni tark etgan. Keyinchalik esa Italiya 2018, 2022 va 2026 yillardagi Jahon chempionatlariga chiqa olmadi.
