"Marsel" klubiga tegishli bo‘lgan daniyalik yarim himoyachi Pyer-Emil Xyoybyerg Italiya A Seriyasidan o‘ziga variant topdi. Bu haqda jurnalist Janluka di Marsio o‘z saytida xabar berdi.
Manba ma’lumotlariga ko‘ra, 30 yoshli yarim himoyachini o‘z safiga qo‘shib olishga "Milan" qiziqish bildirmoqda. Skandinaviyalik futbolchining bozor qiymati 15 million yevroga baholanmoqda. Tomonlar o‘rtasidagi amaldagi shartnoma muddati 2028 yil iyun oyi oxirida tugaydi.
O‘tgan Fransiya chempionati mavsumida Pyer-Emil provansliklar jamoasi safida 32 ta o‘yin o‘tkazdi. Xyoybyerg to‘rtta gol urishga va beshta golli uzatmani amalga oshirishga muvaffaq bo‘ldi.
