«Frayburg» klubi «Komo»dan tayanch yarim himoyachisi Yannik Engelxardtning transferini e’lon qildi. 25 yoshli futbolchi bilan 4 yillik shartnoma imzolandi.
Engelxardt 2021-2023 yillar davomida «Frayburg» tarkibida harakat qilgan, o‘shanda u Germaniya uchinchi ligasida ikkinchi jamoa sharafini himoya qilgan. O‘tgan mavsumni nemis yarim himoyachisi Myonxengladbaxning «Borussiya» klubida ijara asosida o‘tkazdi (33 ta o‘yin, 2 ta gol, 2 ta golli uzatma va 8 ta ogohlantirish).
«Frayburg»ga qaytganimdan juda xursandman. Bu yerda katta ambisiyalar bor, ish boshlashga intiqyapman», — dedi yarim himoyachi.
Transfermarkt ma’lumotlariga ko‘ra, nemis futbolchisining transfer summasi 7 million yevroni tashkil etdi. «Frayburg» Yevropa ligasining oxirgi mavsumi finalchisi hisoblanadi, chempionatda esa jamoa beshinchi o‘rinni egalladi.
