«Barselona» prezidenti Joan Laporta Madridning «Atletiko» klubi hujumchisi Xulian Alvaresga bo‘layotgan qiziqish haqida navbatdagi bor fikr bildirdi.

«Matraschilar» argentinalik futbolchining ketish istagini ochiqchasiga bildirganiga qaramay, u bo‘yicha muzokaralar olib borishni istamayapti. «Ko‘k-anorranglilar»esa hali ham taklifiga javob kutmoqda.

«Jahon chempionati yakunlanganidan so‘ng, ushbu taklifimizning amal qilish muddati qachon tugashini e’lon qilamiz. Futbolchi ma’lum bir klubga o‘tmaydi deb aytilgan, yakunda esa transfer baribir amalga oshgan ko‘plab holatlar ma’lum. Men aniq misollar keltirishni istamayman.

Katta klub agar futbolchilar baxtsiz bo‘lsa, ularni o‘z xohishiga qarshi ushlab turishga yo‘l qo‘ya olmaydi. «Barselona» hech qachon bunday yo‘l tutmagan bo‘lardi», — deya Laportaning so‘zlarini keltiradi Barca Universal.

Mavjud ma’lumotlarga ko‘ra, Kataloniya grandi Alvares uchun taxminan 100 million yevro taklif qilgan.