«Барселона» президенти Жоан Лапорта Мадриднинг «Атлетико» клуби ҳужумчиси Хулиан Альваресга бўлаётган қизиқиш ҳақида навбатдаги бор фикр билдирди.

«Матрасчилар» аргентиналик футболчининг кетиш истагини очиқчасига билдирганига қарамай, у бўйича музокаралар олиб боришни истамаяпти. «Кўк-анорранглилар»эса ҳали ҳам таклифига жавоб кутмоқда.

«Жаҳон чемпионати якунланганидан сўнг, ушбу таклифимизнинг амал қилиш муддати қачон тугашини эълон қиламиз. Футболчи маълум бир клубга ўтмайди деб айтилган, якунда эса трансфер барибир амалга ошган кўплаб ҳолатлар маълум. Мен аниқ мисоллар келтиришни истамайман.

Катта клуб агар футболчилар бахтсиз бўлса, уларни ўз хоҳишига қарши ушлаб туришга йўл қўя олмайди. «Барселона» ҳеч қачон бундай йўл тутмаган бўларди», — дея Лапортанинг сўзларини келтиради Barca Universal.

Мавжуд маълумотларга кўра, Каталония гранди Альварес учун тахминан 100 миллион евро таклиф қилган.